Америйн түүхэн дэхь хамгин аймшигтай алуурчин – “Бруклины цус сорогч”

“Бруклины цус сорогч”-ийн жинхэнэ нэрийг Альберт Фиш (Albert Fish) гэдэг байжээ. Тэрээр зөвхөн бяцхан хүүхдүүдийг ангуучилж, амийг нь тасалсныхаа дараа махыг нь иддэг байсан аж. Түүний үйлдлүүд нь үнэхээр үс цайрмаар аймшигтай байсан тул хүмүүс түүнийг мэдрэлийн гажигтaй гэдэгт огтхон ч эргэлздэггүй байв. Ой ухаан нь эрүүл биш хэдий ч Альбертыг хийсэн аймшигтай үйлдлүүдийнх нь төлөө цаазаар авах ялаар шийтгэжээ.

Альберт уг нь Гамильтон гэдэг нэртэй байжээ. Гамильтон Фиш нь 1870 онд, Вашингтоны жирийн гэр бүлд мэндэлсэн байна. Ойрын төрлийн ах дүүс нь сэтгэл мэдрэлийн өвчин тусч эхэлсэн учир Гамильтон нь дотуур байртай сургуульд элсэн оржээ. Амар амгалан гэр бүлээс гаралтай Гамильтон дотуур байртай сургуульд л анх удаагаа зодуулж, бие махбодийн шийтгэл амсаж, бас бусад хөвгүүдийг хэрхэн зодуулж буйг анх харсан байна. Тэр үед Гамильтон ижил хүйстэнтэйгээ явалдаж эхэлжээ. Насанд хүрснийхээ дараа тэрээр Нью-Йорк-т шилжин суурьшиж, сургуульд байхдаа нэрнээсээ болж “өндөг, хиам” гэж шоолуулдаг байсан учраас нэрээ Альберт болгон өөрчилсөн байна.

Удалгүй Альберт нь ээжийнхээ ятгалгаар хүнтэй сууж, 6 хүүхдийн аав болжээ. Эхнэр нь Альбертыг маш сайн эцэг, эр нөхөр байсан боловч үе үе хачин зан гаргадаг байсан гэж дурссан байдаг. Жишээлбэл нэг удаа өөрийнхөө гарыг албаар хадаасаар цоолсон гэдэг. Альберт Фиш 1903 онд өөрийн ажилладаг дэлгүүрээ ухсан хэргээр анх удаа баривчлагдаж байжээ. Энэ хэргээс болж Альберт шоронд хоёр жил хоригдсон байна. Гэхдээ түүний хувьд гэмт хэргийн ертөнцөд “хулгайч” гэдэг нэрээр тэмдэглэгдэн үлдэх учиргүй байж…
Фиш нь 1920-иод онд, 50 гарсан хойноо цуврал аллага хийж эхэлсэн байна. Түүнчлэн мөрдөн байцаалтын үр дүнд Фиш-ийг 1910 онд анхны аллагаа хийсэн болох нь илэрхий болжээ. Мөн Альберт Фиш насанд хүрээгүй хөвгүүдийг хэд хэдэн удаа хүчирхийлж байсан боловч шийтгэл хүлээлгүйгээр мултарч байсан аж.
1924 оны 7-р сарн 14-ний өглөө Фрэнсис Макдонел гэдэг хүүхэд ор сураггүй алга болжээ. Хамгийн сүүлд түүнийг тоглоомын талбай дээрээс дунд орчим насны, буурал сахалтай, туранхай биетэй, саарал хувцастай эрэгтэй хүнтэй хамт холдож байхыг л харсан байна. Хэдэн цагийн дараа Фрэнсис-ийн цогцосыг ой дотроос олжээ. Хүүхдийг аймшигтай зодож, хүчиндэж, өөрийнх нь тэлээгээр боомилсон байв. Цагдаа нар өнөөх “саарал хүн”-ийг (Альбертийг харсан гэрч түүнийг саарал хувцастай байсан гэж мэдүүлсэн) эрэн сурвалжилж эхэлжээ. Гэвч саарал хувцастай хүнийг олох мөрдөн байцаалтын ажил бүтэлгүйсээр байв.

1927 оны 2-р сарын 11-нд 4 настай Билли Гафни гэрийнхээ ойр хавиас алга болжээ. Биллитэй хамт тоглож байсан хөрш айлынх нь жаалын хэлснээр Билли дээр туранхай, хөгшин хүн ирээд, аваад явсан гэв. Хүүгийн цогцсыг олж чадаагүй байна. Бас нэгэн тохиолдол нь 1928 оны 6 сарын 3-ны өдөр болжээ. Энэ удаагийн гэмт хэрэг  нь өмнөх хоёроосоо ялгаатай байв. Ажил хайж байсан 17 настай Эдуард гэдэг хүү сонинд зар өгчээ. Тун удалгүй өөрийгөө Фрэнк Говард гэж танилцуулсан нэг хүнд түүнтэй холбоо барьжээ. Фрэнк Говард гэгч нь өтгөн цагаан сахалтай, туранхай хөгшин байсан бөгөөд Эдуардын гэрт нь зочлон очиж, гэрийнхэнд нь ч сайхан сэтгэгдэл төрүүлж чадсан байна.

Фрэнк Говард гэж өөрийгөө танилцуулсан алуурчин нь хүүгийн гэрт ахин дахин очиж, өөрийгөө баталгаатай хүн гэдгээ нотлон, хүүг нь авч ажиллуулж чадна гэдгээ харуулсаар байв. Хамгийн сүүлд Эдуардынд очихдоо 10 настай дүү охин Грейсийг нь “хүүхдийн баяр” –т дагуулж явахыг санал болгожээ. Хэсэг эргэлзсэн эцэст, эцэг эх нь бяцхан охиноо нүдэнд дулаахан, итгэл даахуйц төрх, яриа хөөрөөтэй жентлмен –д өгч явуулахыг зөвшөөрсөн байна. Тэд охиноо ахин хэзээ ч олж хараагүй гэдгийг хэлэх илүүц биз ээ.

Цагдаа нар алга болсон охиныг эрчимтэй хайж эхэлсэн бөгөөд тун удалгүй Фрэнк Говард гэж хүн байдаггүй болохыг олж илрүүлжээ. Ингээд Грейс Бадд охиныг бусдын гарт амиа алдсан гэсэн хангалттай нотолгоогүйн улмаас хэргийг хаасан байна. Арван жилийн дараа Альберт Фиш нь Грейс охины ээжрүү захиа илгээжээ. Захидалд тэрээр охиныг нь яаж алсан тухайгаа дэлгэрэнгүй бичсэн байв. Эртнээс түрээслэсэн байсан байшиндаа охиныг авч ирээд, хувцсыг нь тайлуулж байгаад боомилж алаад, биеийнх нь зөөлөн хэсгүүдийг тайрч, духовканд шарсан тухайгаа захидалд дэлгэрэнгүй бичжээ. Охины биеэр 9 хоногийн турш хооллосон гэдгээ ч бичсэн байна.

Хэргийг ахин сэргээж, цагдаа нар шуурхай мөрдөн байцаалтад оржээ. Энэ удаад мөрдөн байцаагч Уильям Кинг (William King) хэргийн мөрдлөгийг удирдсанаар Альберт Фишийг баривчилж чадсан байна.

Цуврал алуурчны хохирогчдын талаар нарийн тоо баримт одоо болтол үгүй. Цагдаагийнхны таамаглаж байгаагаар Альбертын гарт 7-15 хүн амиа алдсан байх магадлалтай байгаа аж. Зарим нэгийг нь тэрээр хүчирхийлснийхээ дараа хөнөөж байжээ. Байцаалтын үеэр тэрээр хүүхдүүдийг хэрхэн тамлаж алаад, махаар нь хэрхэн хооллож байсан тухайгаа дэлгэрэнгүй ярьж байсан аж. Түүнчлэн Альберт Фиш нь өөрийгөө түлж, арьсаа зүсч, саваагаар зодох мэтээр биеэ тамлан зовоодог байсан нь илэрхий болжээ. Эмчийн үзлэгийн үеэр Альберт нь цавиндаа 27 ширхэг зүү зоосон байсан нь олдсон байна.

Хамгийн аймшигтай нь эмч нар Альберт Фишийн сэтгэцийг хэвийн болохыг тогтоожээ. Фиш нь цахилгаан сандалд суух болсон тухайгаа дуулаад, харин ч сонирхолтой санагдаж байгаагаа хэлсэн байдаг. 1936 оны 1 сарын 16-ны өдөр Альберт Фиш цаазаар авахуулжээ.

Мөс хөлдөөгч савыг ухаалгаар ашиглах 9 арга

Хэрэв та мөс хөлдөөгч савыг зөвхөн мөс хөлдөөхөд ашигладаг бол та үнэхээр хоцрогджээ. Мөс хөлдөөгч савыг ухаалгаар, сонирхолтойгоор хэрэглэх гайхалтай санаануудыг хүргэж байна.

1. Хольцтой мөс

Усаа хөлдөөхдөө дотор нь жимс, өвсөн ногоо зэргийг хийж амт оруулж болно.

2. Шинэхэн ургамлан ногоо ба оливийн тос

Шинэхэн ногоо тань амархан хатах гээд байвал мөс хөлдөөгч савандаа хийгээд дээрээс нь оливийн тос хийгээд хөлдөөж болно. Ингэснээр хэрэгтэй үедээ хоолондоо хийгээд л хэрэглэж болно. Розмарин, оригано, базилик зэрэг байж болно.

3. Хөлдөөсөн кофе

Кофегоо мөс хөлдөөгч савандаа хөлдөөгөөд дараа нь сүүнд хийгээд ууж болно. Эсвэл эсрэгээр нь ч байж болно шүү.

4. Жимслэг мөс

Эдгээр нь маш бүтээлч бөгөөд амттай болно шүү. Эхлээд бага зэрэг сүү хийж хөлдөөгөөд, дээрээс нь жимний шүүс хийж хөлдөөгөөд дээд давхаргыг смүүти хийж хөлдөөж болно. Таны л уран сэтгэмж шийднэ дээ.

5. Хоолны соус хөлдөөх

Хоол хийсний дараа илүү гарсан соусаа мөсний савандаа хийгээд хөлдөөж болно. Дараагийн удаа хоолондоо халаагаад л хэрэглэчихнэ шүү дээ.

6. Самрын тос, шоколад

Самрын тосыг зөгийн балтай хольж хөлдөөгөөд хайлсан шоколаданд дүрээд дахиад хөргөж бэхжүүлнэ.

7. Хөлдөөсөн тараг

Таргыг хүссэнээрээ амтлаад хөлдөөгөөд идээрэй. Бас смүүтиндээ мөсний оронд хийж болно.

8. Жимсний шүүс

Дуртай жимсээ шахаж шүүсийг нь гаргаад хөлдөөж болно.

9. Шоколадтай гүзээлзэнэ

Шоколадаа бага зэрэг маслотой хольж хайлуулна. Мөс хөлдөөгч савандаа хийгээд голд нь гүзээлзгэнээ зоогоод боллоо.

5 секунд тутамд дэлхий дээр юу юу болдог вэ?

ХООЛ ХҮНС

• 5 секунд тутамд АНУ-д 4561 кг хоолны үлдэгдэл хаягддаг.
• 5 секунд тутамд “McDonalds”-ын 375 ширхэг бургер зарагддаг.
• 5 секунд тутамд Америкчууд 1750 зүсэм пицца иддэг.
• 5 секунд тутамд дэлхий даяар 2090 ширхэг “KitKat” шоколад иддэг.
• 5 секунд тутамд “Dunkin’ Donuts” кафе 100 аяга шинэхэн кофе зардаг.
• 5 секунд тутамд АНУ-д 2750 ширхэг “Hot Dog”-ыг иддэг.
• 5 секунд тутамд 2 шил “Nutella” крем зарагддаг.
• 5 секунд тутамд “Coca Cola” компаний 35.000 ширхэг бүтээгдэхүүн зарагддаг.

ИНТЕРНЕТ БА НИЙТИЙН СҮЛЖЭЭ

• 5 секунд тутамд “Facebook”-т 205.000 пост тавигддаг.
• 5 секунд тутамд “Twitter”-т 23.000 жиргээ тавигддаг.
• 5 секунд тутамд “Google”-ээс 1860 хүн “порно” гэсэн хайлт хийдэг.
• 5 секунд тутамд “Snapchat”-ын 8666 мессеж илгээгддэг.
• 5 секунд тутамд 17 сая и-мейл илгээгддэг.
• 5 секунд тутамд шинээр 47 вебсайт нээгддэг.
• 5 секунд тутамд “Wordpress”-т 28 шинэ пост тавигддаг.
• 5 секунд тутамд “Youtube”-д нийт 6 цагийн хугацаатай дүйцэхүйц бичлэгүүд шинээр тавигддаг.
• 5 секунд тутамд “Instagram”-д 300 шинэ зураг тавигддаг.

АМЬДРАЛ БА ҮХЭЛ

• 5 секунд тутамд дэлхийд ойролцоогоор 21 хүүхэд шинээр мэндэлдэг.
• 5 секунд тутамд ойролцоогоор 10 хүүхэд эмзэг бүлэгт төрдөг.
• 5 секунд тутамд ойролцоогоор 1 хүүхэд төрөлхийн согогтой төрдөг.
• 5 секунд тутамд дэлхийн хүн ам ойролцоогоор 12 хүнээр нэмэгддэг.
• 5 секунд тутамд ойролцоогоор 9 хүн нас бардаг.
• 5 секунд тутамд 1 хүүхэд өлсгөлөнгөөс болж нас бардаг.

ХУДАЛДАА БА ХЭРЭГЛЭЭ

• 5 секунд тутамд “iTunes”-ийн хэрэглэгчид 1250 дуу татдаг.
• 5 секунд тутамд “Amazon” сайт $7000 ам.доллартай дүйцэхүйц хэмжээний бүтээгдэхүүн зардаг.
• 5 секунд тутамд “LEGO” брендийн 35 иж бүрдэл тоглоом зарагддаг.
• 5 секунд тутамд дэлхий даяар 2 ширхэг “Barbie” хүүхэлдэй зарагддаг.
• 5 секунд тутамд “Nike” бренд $3000 ам.долларын орлого олдог.
• 5 секунд тутамд Америкчууд 7500 сав цэвэр ус хэрэглэдэг.
• 5 секунд тутамд Америкчууд 60.000 ширхэг гялгар уут хэрэглэдэг.
• 5 секунд тутамд дэлхийд 3500 ширхэг ган сав дахин боловсруулалтанд ордог.
• 5 секунд тутамд АНУ-д 35.915 кг хог хаягддаг.
• 5 секунд тутамд 553.871 литр газрын тос ашиглагддаг.

ДЭЛХИЙ БА ХҮН, АМЬТАН

• 5 секунд тутамд газарт 500 удаа аянга буудаг.
• 5 секунд тутамд “Niagara” хүрхрээнээс 15.800 тонн ус урсдаг.
• 5 секунд тутамд дэлхийн гадаргуу дахь 80 сая тонн ус ширгэдэг.
• 5 секунд тутамд зарим төрлийн шувуу далавчаа 1000 гаруй удаа дэвж чаддаг.
• 5 секунд тутамд 500.000 химийн урвал эс бүрт тань явагддаг.
• 5 секунд тутамд хүн дунджаар 1 удаа нүдээ цавчдаг.
• 5 секунд тутамд тоншуул модыг 12.5 удаа тоншиж чадна.
• 5 секунд тутамд бясаа 10 см зайг туулах чадвартай.
• 5 секунд тутамд хөтлөгч Опра Уинфри $43 ам.долларын орлого олдог.
• 5 секунд тутамд Билл Гейтс $1250 ам.долларын орлого олдог.
  (Энэ нь өдөрт ойролцоогоор $20 сая ам.долларын орлоготой гэсэн үг юм.)

Balance- Oscar Winning Cartoon

“НАСА” дэлхий сүйрэх өдрийг нарийвчлан тогтоосноо зарлажээ.

 “НАСА” анх удаа дэлхийн сүйрлийн тухай бодит таамаглал дэвшүүлж байгаа нь одон орон судлаачдыг эмзэглүүлж орхилоо. “НАСА”-гийн эрдэмтэд 2040 он гэхэд дэлхийн төгсгөл ирнэ хэмээн таамаглав. 

Тэр үед дэлхий дээр сая сая хүн амиа алдаж, бөмбөрцгийн тал хувь нь сүйрнэ гэжээ.

Учир нь сарны дэргэдүүр дайран өнгөрөх хар тугалга бүхий солир манай гарагтай мөргөлдөх магадлал 98 хувь аж.
Өнгөрсөн 2011 онд 150 орчим метр овор бүхий “AG5” сансрын биет дэлхийтэй ойрхон зөрсөн бөгөөд үүнээс 30 жилийн дараа энэхүү солиртой тун төстэй биет дэлхийг мөргөх аж.

Энэ талаар “UNN EuroSMI” агентлагт дэлгэрэнгүй мэдээлсэн байна. Эрдэмтэд гамшиг тохиох өдрийг 2040 оны хоёрдугаар сарын 5-н хэмээн тооцоолж, өнөөдрөөс цаг явж эхэлснийг анхааруулжээ.

Хэдийгээр энэхүү солир манай гарагт үлэмж хэмжээний хохирол учруулах боловч хүн төрөлхтөн бүхэлдээ сүйрнэ хэмээн таамаглахгүй байна. Хэрэв дэлхийн нийт талбайн 4/1 нь солирын дайралтад өртвөл ойролцоогоор 100 сая хүний аминд шууд хүрэх аюултай.

Солирын цохилтоос үүдсэн гамшиг хүн төрөлхтнийг аажмаар туйлдуулан үгүй хийх магадлал илүү өндөр гэнэ. Юутай ч солир манай гарагтай мөргөлдсөн даруйд хүн төрөлхтөн ор мөргүй алга болохгүй аж. Учир нь үлэг гүрвэлүүд солирын борооны цохилтод өртсөнөөс хойш олон жилийн дараа хоол хүнсний хомсдолд орж бүрэн устсан гэж таамагладаг юм.

Эрдэмтэд 2013-2016 оны хооронд энэхүү солирын тухай илүү бодитой судалгаа хийж үнэн мөнийг мэдээлэх аж. Тодруулбал, дэлхий рүү ойртон ирж буй солир манай гарагт ямар хор хохирол учруулах талаар эрдэмтэд 2017 оны эхээр үнэн зөв мэдээлэл өгөх юм байна.

Эх сурвалж: http://neo.jpl.nasa.gov/news/news176.html